Gjilani ka pësuar humbjen e radhës në Superligën e Kosovës në futboll, ku u mposht sot nga Llapi me rezultat bindës 4-1.

Pas shtatë ndeshjeve, Gjilani është i shtati me 7 pikë, shkruan Arbresh.info.

Kjo nisje e dobët e sezonit, ka bërë që të reagojnë edhe tifozëria zyrtare e klubit, “Skifterat”.

Ata përmes një postimi në rrjetin social Facebook, e kanë shpallur person të padëshirueshëm trajnerin, Ardian Nuhiu.

“Asnjëherë nuk jemi përzier në punët e kryesisë dhe gjithmonë kemi pasur dhe kemi besim të plotë tek ata.”

“Por nga ky moment, trajneri Ardian Nuhiu është i padëshiruar për ne, nëse nuk reflekton ai. Nëse nuk ka ndryshim, do të veprojmë në mënyrën tonë, ashtu siç dimë ne.”

“Askush nuk është mbi klubin e zemrës Gjilanin!”, thuhet në reagimin e tyre.

Gjilani ndeshjen e radhës e luan ndaj Dritës, i cili është edhe derbi më i zjarrtë jo vetëm i qytetit por i gjithë Kosovës.

Skuadra që e drejton Ardian Nuhiu ka katër humbje, dy fitore e një barazim./Arbresh.info